mercoledì 4 gennaio 2012

Annu noeddu miu (a modu miu)

de Francu Pilloni

Annu Noeddu miu,
has fattu prim’ ammostu
in su mari asiau
e t’indi ses assustrau
a biri su logu nostu:
seu in bena de donai
ma no tengiu coraggiu
sa manu de ammostai
poita seu ostaggiu
de su chi nat sa genti,
no m’hia a bolli fai
de atiri differenti,
ma a su tempus presenti
bastat su necessariu
su chi serbit de ordinariu
po morri o po campai.

A mei chi portu in ogus
cantu sprecu in dinai
po cinciddas e fogus:
prus de cos’ ‘e pappai
forzis po un’annu e mesu
in regimi ordinariu
pipiu de logu attesu,
a diversu calendariu
anca sa dì est longa
cand’esti chene pani,
sa vida che unu cani
s’hiat a bolli passai.

Po no mi presentai
de is aturus differenti
no lessisti nienti
chena de mi donai:
finzas su chi no serbit,
imboddiccau in paperi
de oru e de argentu,
donnia spezi’ ‘e unguentu
po sa peddi allisai
e lamparas asullas
po mi dd’accotobiai;
no scarescias ampullas
de binus e licoris ;
e de medas coloris
camisas e crobattas;
a domu no imbattas
chene bittiri froris
cun prenda de amoris
tebidus o buddius
de candu fuaus pipius
a pantalonis cruzzus ;
cadenittas de bruzzus
cun pindallius de oru
po donai decoru
a s’arrelogiu ‘e marca;
streppu chi portu in barca
elettricu portatili
chi m’indittit sa bia
po arribbai a Baratili
partendu de ‘omu mia
poita de sa cranaccia
no bollu perdi traccia.

No bollu perdi arrastu
de su chi fui nendu,
annu chi ses intrendu
po medas ses nefastu,
si mi ponis in menti
ti nau privadamenti:
Bai, torra a furriai!
A nosu lassasì stai
teneus de spapparottai
is ous in pacchitteddus
a Pasca Mann’ arricius
fattus a pilloneddus
chi funti giai impinnius.

Annu miu Noeddu,
innoi has allichidiu,
manteni su fueddu:
bai de cuddu pipiu
e si no t’est abarrau
mancu pani tostau
po culliunai sa brenti,
arzia is ogus a celu
fai finta de nienti,
chistiona a bellabellu
e contaddi una faba:
Ch’ andat in paradisu!
Però, Noeddu, allaba
chi no ti scappit s’arrisu.

3 commenti:

Grazia Pintore ha detto...

Signor Pilloni la sua poesia,come al solito,è molto bella,devo dire che tutta,tutta non sono riuscita a capirla,cercherò di leggerla con più calma ma ho grossi dubbi.Una cosa è certa : la nostra lingua, così poco apprezzata, da certi intellettuali sardi,è una ricchezza incredibile.Saludos mannos.

francu ha detto...

Il problema, se esiste, è tutto loro, di quei certi intellettuali come dice lei, perché noi, sino a prova contraria, sappiamo apprezzare anche le cose belle scritte in italiano.
Due ruote sono meglio di una e tre meglio di due. Con quattro si trova la maggiore stabilità, con cinque, quella di scorta, anche la sicurezza.
Ma c'è chi preferisce il mono-ciclo: se non altro, si distingue.

Grazia Pintore ha detto...

Propendo per la sicurezza,ovvero 5 ruote;il mono-ciclo,vista l'età,non fa per me.Di sicuro invidio la sua saggezza che ,unita all'ironia,smorza le polemiche e le rende più leggere e più efficaci.